Белорускиот суд во отсуство ја осуди лидерката на опозицијата во егзил, Светлана Тихановскаја, на 15 години затвор, соопшти денеска државната агенција Белта.
На Тихановскаја во јануари годинава ѝ беше судено во отсуство под обвинение за предавство, а нејзините поддржувачи ги отфрлија обвиненијата како „бесмислени и фарсични“.
Британските медиуми потсетуваат дека Тихановскаја побегна од Белорусија откако се кандидираше на претседателските избори во 2020 година, кога главен конкурент ѝ беше подоцнежниот победник Александр Лукашенко.
Тогашните избори беа проследени со масовни протести, откако опозицијата го обвини Лукашенко за изборна измама, што тој го демантираше.
