Карим Бензема е во отворена војна со репрезентацијата на Франција.
Сагата околу „заминувањето“ на Карим Бензема од француската репрезентација продолжува. Веќе беше откриено дека тој не е повреден и дека е подготвен да ѝ помогне на Франција на Мундијалот, но селекторот Дидје Дешан го „пречкрта“ по бунтот на неговите најискусни играчи, па Бензема бурно реагираше и почна да го „пецка“ националниот тим.
Не сакаше ни да ја бодри во живо во финалето на Светското првенство, а уште помалку веќе да има врска со неа - се „пензионираше“ и ги изненади сите.
И очигледно тука не беше крајот... Сега се огласи агентот на Бензема, Карим Џазири и влезе во „клинч“ со Дешан, бидејќи францускиот селектор тврдеше дека се откажал од Бензема за време на Светското првенство исклучиво поради повредата на фудбалерот.
„Го објавив ова, но прво се консултирав со тројца специјалисти кои ја потврдија дијагнозата - Бензема можеше да биде спремен уште од осминафиналето за да биде барем на клупата. Зошто баравте од него толку брзо да си замине?“, напиша Џазири во објавата на видеоснимката со наодите Карим Бензема, кој беше „тргнат“ уште пред првиот натпревар во првенството.
Првата дијагноза што ја доби Бензема беше да мирува три недели, но тој се опорави по десет дена и беше подготвен да им се приклучи на соиграчите бидејќи не беше „избришан“ од списокот за Светското првенство, на што Дешан му рече „Не мора да доаѓаш“.
По сето тоа почна „тивката војна“ помеѓу Бензема и Дешан, селекторот на прес-конференцијата рече дека не сака да зборува за оние кои ги нема, додека за тоа време фудбалерот испраќаше чудни пораки на Instagram.
Ќе испадне дека Дешан ги слушал само другите играчи кои не сакаа да имаат врска со Бензема, официјално најдобриот светски фудбалер, но не и толку голем човек во однос на атмосферата во репрезентацијата.