Сопственикот на италијанскиот прволигаш Монца, Силвио Берлускони, на божикната вечера на клубот им даде прилично контроверзно ветување на фудбалерите, доколку освојат три бода против Јувентус, Милан или друг голем клуб, ќе им испрати автобус со проститутки.
Неговата Монца паузата поради Мундијалот во Катар ја дочека на солидна 14-та позиција со 16 освоени бодови од 15 одиграни натпревари, а од зоната на испаѓање моментално ја делат 9 бода.
Сепак, иако им требаат уште многу труд, победи и добри резултати за да го обезбедат опстанокот во Серија А, Берлускони им вети ако бидат подобри од Јувентус или Милан, ќе добијат дополнителна стимулација.
„На играчите им дадов дополнителна мотивација, ако славиме против Милан, Јувентус или еден од поголемите клубови, ќе испратиме автобус полн со проститутки во соблекувалната“, изјави Берлускони.
Оваа изјава нема да ги одушеви партнерките на фудбалерите, доколку Монца навистина освои бодови против некој голем тим.
Монца првиот натпревар по паузата ќе го игра против Фиорентина на 4 јануари 2023, а потоа на 7 јануари ги очекува домашен дуел против Интер.
