Германската компанија BioNTech ќе поднесе барање за одобрување на вакцината против коронавирус, која ја разви заедно со Pfizer, за деца на возраст од 5 до 11 години, рече извршната директорка Озлем Туреци.
„Во текот на неделите кои се пред нас, ќе ги предадеме резултатите од своето истражување за децата од 5 до 11 години на властите ширум светот и ќе поднесеме барање за одобрување на вакцината за децата на оваа возраст“, рече Туреци за Der Spiegel.
Директорката изјави дека компанијата почнала да го подготвува производството на вакцини за деца кои се исти за возрасните, но ќе се даваат во помали дози.
BioNTech во моментот ги проценува податоците за помали деца на возраст од 6 месеци нагоре, а резултатите ќе ги претстави до крајот на годината.