Жена, со која милијардерот Илон Мас се забавувал во текот на неговите студентски денови, заработи 165.000 долари од аукција на предмети и фотографии од периодот кога двојката била заедно, пренесе Independent.
Џенифер Гвин од Јужна Каролина на аукција продаде спомени, фотографии и подароци од Маск, кои ги добила во текот на универзитетските години. Се запознале во 1994 година.
„Прво што ме привлече е неговата срамежлива природа, беше мој тип“, вели Џенифер, опишувајќи го Маск како „сладок, љубезен, паметен и привлечен“.
Истакна дека од почетокот бил фокусиран на учењето и уште во тоа време зборувал за електрични автомобили.
Интересно е тоа што денес Маск важи за најбогат човек во светот, па јасно е зошто Џенифер заработи толку пари. Со Илон се забавувала додека биле на Универзитетот во Пенсилванија, каде Маск студирал физика и бизнис.
Маск ја прекинал романсата кога дипломирал и се преселил во Калифорнија. Парот раскинал непосредно пред тој да почне да го освојува светот.
Гвин продаде досега невидени фотографии од Маск, роденденски честитки и подароци кои ги добила додека била со него.
Фотографија на која Маск позира со главата наопаку на аукцијата е продадена за неверојатни 21.889 долари.
Џенифер вели дека нејзината колекција ја прикажува забавната страна на милијардерот.
„Мислам дека овие предмети се слика на тоа кој беше Илон пред да стане тоа што е сега“, вели таа.
