Во текот на викендов, вториот дел на „Doctor Strange 2“ заработи фантастични 185 милиони долари од прикажувањето во Северна Америка, со што без конкуренција доминираше на бокс-офисот.
Филмот заработи 265 милиони долари од прикажувањето низ 49 територии, со глобална заработка од 450 милиони долари. „Doctor Strange 2“ најверојатно нема да се прикажува во Кина, Русија и Украина, пишува Variety.
„Doctor Strange 2“ ја отвори летната сезона на блокбастери со одличен старт. Најочекувани следни премиера се „Top Gun: Maverick“ на 27 мај, „Jurassic World Dominion“ на 10 јуни и „Thor: Love and Thunder“ на 8 јули.
По две недели на врвот, комедијата „The Bad Guys“ се најде на второ место со 9.7 милиони долари. На третото место е „Sonic the Hedgehog 2“ со 6.2 милиони долари.
Во четвртиот викенд на прикажување, „Fantastic Beasts: The Secrets of Dumbledore“ се најде на четврто место со 3,9 милиони долари, додека „Everything Everywhere All at Once“ е на петтото место.