Екипата зад „Joker“ има многу причини за славење. И покрај насилната тематика на филмот неговото премиерно прикажување во Северна Америка предизвика голем интерес кај публиката. Викендов филмот оствари нов рекорд на премиерно прикажување во октомври, со заработка од 93,5 милиони долари.
Претходниот рекорд на посетеност го држеше „Venom“, со заработка од 80 милиони долари. На меѓународен план, „Joker“ заработи 140 милиони долари на 73 пазари, резултирајќи со фасцинантни 234 милиони долари на глобално ниво.
Од премиерата на Филмскиот фестивал во Венеција, каде ја доби престижната награда Златен лав минатиот месец, „Joker“ исто така беше критикуван поради мрачниот спин на класичниот негативец од Бетмен. Филмот за Џокер, во изведба на Жоакин Феникс, е ставен под различни критики поради страв дека може да предизвика насилство, но стравувањата за среќа не се остварија. Публиката одлично реагираше на филмот.
На второто место на листата на Box Office Mojo се наоѓа филмот „Abdominable“ со заработка од 12 милиони долари, а меѓу првите пет се „Downton Abbey“ со 8 милиони долари, „Hustlers“ со 6,3 милиони долари и „It: Chapter Two“ со 5,4 милиони долари.
Ова е целосната листа:
1. „Joker,” 93,5 милиони долари
2. „Abominable,” 12
3. „Downton Abbey,” 8
4. „Hustlers,” 6,3
5. „It Chapter Two,” 5,4
6. „Ad Astra,” 4,6
7. ”Judy,” 4,4
8. „Rambo: Last Blood,” 3,6
9. „War,” 1,5
10. „Good Boys,” 900.000.
