Бразилскиот претседател Жаир Болсонаро (66) ќе биде префрлен во Сао Паоло за итен лекарски преглед, поради опструкција на дебелото црево и може да биде подложен на итна операција, соопшти претседателскиот кабинет.
Се смета дека неговите здравствени проблеми се поврзани со инцидентот во септември 2018 година кога тој беше прободен во стомакот за време на изборната кампања и за малку ќе умреше. Потоа беше подложен на операција на стомакот.
Вчераутро, Болсонаро прво бил однесен во Воената болница во Бразил поради икање, што го мачи откако стави забен имплант на 3 јули. Минатата недела, за една локална радио станица тој рече дека ика секој ден, по 24 часа на ден.
Минатата година на Болсонаро му беше дијагностициран COVID-19, но имаше лесни симптоми на болеста и не му беше потребна болничка нега.
