Во двата полуфинални натпревари од Копа Америка аргентинските гиганти Ривер и Бока не успеаја да слават над бразилските великани Палмејрас и Сантус кои се сега поблиску до финалето.
Ноќеска Бока Жуниорс и Сантус одиграа без голови на „Ла Бомбонера“ стадионот во Буенос Аирес. Во тврд натпревар со малку сериозни шанси, на крајот позадоволни се Бразилците кои непоразени ќе влезат во реваншот на домашен терен.
Завчера, пак, ланскиот финалист Ривеј Плејт доживеа дебакл дома од Палмејрас кој славеше со убедливи 3:0. Рони во 27. минута го отвори резултатиот, а само две минути по паузата Луис Адриану го дуплираше водството. Пех за домашните се случи по точно еден час игра кога Хорхе Караскал доби директен црвен картон, а веднаш потоа Палмејрас постигна и трет гол преку Матиас Виња.
Реваншите се закажани за в среда и тоа Палмејрас - Ривер ноќта во 1:30 часот по полноќ, а Сантус - Бока во 23:15 часот наредната вечер.
Победниците ќе се пласираа во големото финале на 30 јануари на „Маракана“ во Рио де Жанеиро.
Бока на пехарот чека од 2007 година, а во меѓувреме загуби две финалиња; Сантус чека од 2011 кога и последен пат стигна до финале, додека Палмејрас чека најдолго - од 1999, а последно финале му е во 2000. Ривер триумфираше двапати во последните пет изданија (2018 и 2015), а лани загуби од Фламенгу во финалето.
