Унгарската нискобуџетна авиокомпанија Wizz Air од Британците е прогласена за најлоша авиокомпанија за летови на кратки релации. Патниците анкетирани од британското здружение за потрошувачи Which? му дадоа на превозникот една ѕвезда од пет можни, оценувајќи го нивниот престој во авионот, условите и удобноста на седиштето, јави DPA.
Истражувањето на здружението за потрошувачи опфати 8.046 Британци испитани во октомври 2022 година за нивните искуства од патувањето со авион изминативе две години.
Не повеќе од две ѕвезди беа доделени во сите други категории, вклучувајќи го односот квалитет-цена и чистотата. Превозникот има летови на кратки релации од 8 аеродроми во Велика Британија, вклучувајќи ги Бирмингем, Единбург, Гатвик и Лутон. Вкупниот рејтинг на авиокомпанијата Wizz Air меѓу кориниците е 48%, со што таа е на дното на ранг-листата, зад ирски Ryanair со 52%, германски Eurowings со 53% и британскиот национален превозник British Airways со 56%.
Британската управа за цивилно воздухопловство во декември соопшти дека има „значителна загриженост“ за „неприфатливото“ однесување на Wizz Air, бидејќи нивни патници сѐ почесто се жалат од корисниците на другите авиопревозници. Регулаторот, исто така, откри дека авиокомпанијата ја одложува исплатата на парите што им ги должи на патниците.
