Мајка Тереза била позната по својот живот како заштитничка на болните и сиромашните, но документарниот филм на британската телевизиска компанија Sky „Mother Teresa : For The Love of God?“, ја покажува, како што пренесува Unilad, нејзината многу помрачна страна.
Скопјанката Мајка Тереза стана светски позната во 1969 година откако BBC објави документарен филм во кој се прикажува нејзината работа во Индија, која вклучува организација на народни кујни, мобилни клиники, отворање на сиропиталишта и училишта. Десет години подоцна ја доби Нобеловата награда за мир.
„Мајка Тереза изгледа повеќе ја привлекувале сиромаштијата и агонијата отколку што навистина им помагала на луѓето да ги избегнат“, пишува WION.
Сепак, таа доби сериозни критики за нејзиниот однос во случајот со злоупотреба на деца во црквата, кога свештеникот Доналд Мегвај=ер беше обвинет за злоупотреба. Таа потоа лобирала за него кај властите, пишувајќи писма до нив и уверувајќи ги дека е невин, што наводно му овозможило на свештеникот да продолжи да ги злоставува децата. Дополнително, ѝ се префрлува и за фактот што најголемиот дел од парите, кои нејзината организација ги добила преку донации, биле префрлани во Ватиканската банка.
Во документарецот се појавуваат и сведоци, како што е д-р Џек Прегер, кој работел за Мајка Тереза.
„Калуѓерките не се грижеа соодветно за луѓето. Истите игли беа користени неколку пати и не беа стерилизирани. Не сакаа да ѝ дадат аналгетици на една жена која имаше болки поради изгореници, а јас ѝ ги прошверцував. Имаа доволно пари за да водат пристојна болница за сиромашните, но тоа не се случи. Тие велеа: 'Ќе молиме да им се олесни болката' и не направија ништо за да ги лекуваат“, вели докторот во документарецот.
