Членови на советодавната група на британската влада, NERVTAG, тврдат дека децата се најверојатно повеќе подложни на зараза со мутираниот коронавирус, во споредба со неговите претходни соеви. Сепак, нема докази дека новиот облик е посмртоносен.
Тезата ја изнесе епидемиологот Нил Фергусон, професор на Кралскиот колеџ во Лондон и член на NERVTAG, пренесе Daily Mail. Сепак, треба да се акцентира дека тезата не е докажана.
Фергусон наведува дека бројот на заразени со новиот коронавирус меѓу децата помлади од 15 години е многу поголем во споредба со бројот на заразени со другите соеви на коронавирусот во истата возрасна група, но не наведе точни податоци.
Научниците сметаат дека новиот вирус е поинфективен за 50 до 70 проценти, но не веруваат дека е посмртоносен, ниту дека предизвикува потешки облици на болести кај децата и возрасните.
Професорката Венди Баркли од Кралскиот колеџ во Лондон тврди дека возрасните се полесна цел за вирусот во споредба со децата, но таа смета дека е зголемен бројот на заразени деца затоа сега вирусот е помалку инхибиран (блокиран).
