За да открие во кои професии се кријат најмногу психопати, психологот Кевин Дејтон направил истражување помеѓу жителите на Обединетото Кралство.
На прво место се професиите директор и менаџер, потоа следуваат адвокатите, вработените во медиумите (со акцент на ТВ и радио), продавачи, хирурзи, новинари, полицајци, свештеници, готвачи и државни службеници.
Многу од овие десет професии се вклопуваат во профилот на оние кои кријат најголем број психопати, бидејќи некои од основните карактеристики на психопатите се самодоверба, егоцентричност, бестрашност, ладнокрвност и шарм, што исто така се и карактеристики тесно поврзани со концептот за успех.
На тоа во прилог му оди и студијата на британскиот академски магазин Journal of Business Ethics според која психопатите кои се во високо платени професии, како адвокати и менаџери, се помалку успешни во својата работа од останатите колеги.
Таквите луѓе заработуваат помалку пари и нивните врски се исто така понеуспешни.
