Пејачката Бритни Спирс веќе подолго време не живее со синовите Шон (17) и Џејден Престон (16), кои ги има со поранешниот сопруг Кевин Федерлајн.
Уште во мај годинава се пишуваше дека Спирс не е во контакт со нив повеќе од една година, а според странските медиуми и двата сина сега се селат на Хаваи со татко им. Шон и Џејден заедно со нивниот татко и маќеата Викторија Принс (40) ќе ја напуштат Калифорнија каде што живеат сега, без да се збогуваат со мајка им.
Кевин и Викторија планираат да изнајмат стан во државата Алоха додека бараат постојан дом, пишува TMZ. Причината поради која не сакаат да ја гледаат мајка им е нејзиното „недолично однесување“, кое ги вклучува нејзините објави на социјалните мрежи, пишуваат странските медиуми.
Поп-пејачката допрва треба јавно да ги коментира овие тврдења.
Да потсетиме, кога Бритни и Кевин се разведоа во 2007 година, беше договорено заедничко старателство над децата. Подоцна судот ја промени одлуката и му додели целосно старателство на таткото поради наводите дека Бритни користела недозволени супстанции и алкохол.
