Бројот на новозаболени под 10 отсто, се бара почитување на протоколите на плажите и на базените

Бројот на новозаразени лица од COVID-19 падна под 10 отсто. Според последниот здравствен билтен на Министерството за здравство, во последните 24  часа од направени 1.621 тестови регистрирани се 138 нови случаи на COVID-19 или околу 8,5 отсто, од нив најмногу се во Скопје – 47 новозаболени.

По градови следат Куманово-17, Штип-16, Дебар-10, Прилеп-2, Тетово-2, Велес-5, Битола-5, Охрид-2, Кавадарци-1, Гостивар-10, Крива Паланка-1, Кочани-5, Пробиштип-1, Демир Хисар-1, Македонски Брод-6, Виница-2, Кратово-1, Кичево-3, Ресен-1.

Институтот за јавно здравје вчера регистрира 144 оздравени пациенти од: Скопје-105, Штип-9, Прилеп-2, Тетово-4, Велес-1, Битола-5, Гостивар-1, Кочани-4, Пробиштип-1, Демир Хисар-2, Берово-1, Кичево-7, Ресен-2.

Починати се седум лица, две пациентки од Скопје (64 и 67 години), пациентка од Македонски Брод (53г.), пациентка од Кичево (41г.), пациент од Битола (27г.), пациент од Дебар (78г.) и пациент од Штип (64г.). Шест пациенти се починати во болнички услови, а еден вонболнички.

Во земјава во моментов активни се вкупно 3.700 случаи на COVID-19, од нив најмногу случаи се регистрирани исто така во Скопје 1426, од кои активни случаи по општини најмногу има во Чаир-168,  Аеродром со 161 и Кисела Вода со 158.

Вкупната бројка на ковид дијагностицирани во нашата земја од почетокот на епидемијата изнесува 10.891,  бројката на оздравени пациенти е 6.698, на починати е 493.

Во меѓувреме, со оглед на зголемениот број посетители во туристичките места низ државата, Министерството за здравство преку соопштение апелираше да се почитуваат донесените протоколи од Комисијата за заразни болести, кои се однесуваат на работата на базените и на плажите во текот на пандемијата со COVID-19, како од страна на посетителите, така и од страна на вработените.

Препораките, како што се посочува, опфаќаат правила за однесување на плажите кои се однесуваат на сите вработени лица и посетители за носење лична заштитна опрема на лицето, што го покрива делот на носот и устата, достапни и видливи места за средства за дезинфекција на рацете, физичка дистанца од еден и пол до два метра, вклучително и при престој во вода, како и ограничување на бројот на посетители на плажата согласно квадратурата, односно максимум 15 посетители на 100 м² нето површина.

Согласно Протоколот за работата на плажите во тек на пандемија со COVID-19, се предвидува и редовно чистење и дезинфекција на околината на плажите и точното и видливо информирање на посетителите со информативно-едукативен материјал, во однос на почитување на основните превентивни мерки и начинот на однесување, и гласовно информирање за придржување кон препораките, потенцираат од Министерството.

На плажите, како што се нагласува, е задолжително меѓу поставените чадори да се обезбеди минимално растојание од четири метри, а растојание од еден и пол до два метра меѓу лежалките поставени под соседни чадори. Лежалките задолжително да се дезинфицираат пред и по користењето на секој посетител, а секое лице задолжително да постави пешкир на лежалката пред да ја употреби.

Се забрануваат групните спортови (како одбојка на плажа), и задолжително е одредувањето лица, кои ќе го контролираат бројот на посетители и спроведувањето на мерките. На плажите не се препорачува користење гардероби на плажа. Воедно, протоколот за работата на плажите во тек на пандемија со COVID-19 ги уредува и санитарно-хигиенски мерки, препораките за вработените, а за користење на угостителски услуги се препорачува почитување на протоколот за угостителска дејност во услови на пандемија со COVID-19.

Во однос на работата и функционирањето на базените, во протоколот за работа на базените во тек на пандемија со COVID-19, покрај почитувањето на основните превентивни мерки за лична заштита, утврдено е пред билетарите задолжително да се обележи растојание (место за чекање) од еден и пол до два метра.

Исто така, меѓу вработениот и посетителот да се обезбеди тоа растојание или заштитна бариера. Да се препорача и практикува бесконтактно плаќање со кредитни картички и да се обезбеди и препорачува онлајн купување на билети. Користењето на соблекувалните е дозволено по принцип еден посетител во една соблекувална со воспоставување ред од назначени лица од редарска служба. Се препорачува зачестено да се чистат и дезинфицираат соблекувалните на секои два часа (по потреба и почесто). При влез во базенскиот дел, задолжително секој посетител да се истушира и да помине преку хиперхлорирана дезбариера за миење на нозете, стои во соопштението од Министерството за здравство. 

реклама

Кога кај нас вака: Велосипедска патека долж брегот во Турција, #НаТочак апелира за вакви промени и во Македонија

Read more

Четири хороскопски знаци кои важат за најжешки во кревет

Read more

Новиот играч на Јувентус полни батерии на Охридското Езеро

Read more

Instagram убавица: Ерјона Сулејмани

Read more

Македонија

Костовски: Правдата за стечајот на „Еуростандард банка“ ќе ја барам надвор од земјата

Read more

Рекорден дневен број на тестови, активни случаи се помалку од 3.000

Read more

Нови 160 случаи со COVID-19, тројца починати, 368 оздравени пациенти

Read more

Без негативен ПЦР-тест за влез во Грција само возачи на товарни моторни возила

Read more

Вести

Костовски: Правдата за стечајот на „Еуростандард банка“ ќе ја барам надвор од земјата

Читај повеќе

Рекорден дневен број на тестови, активни случаи се помалку од 3.000

Читај повеќе

Родители во Хрватска со кампања против враќање на децата на училиште во пандемија

Читај повеќе
  • play_arrow

Хаос на албанско-грчката граница, заглавени илјадници албански граѓани

Читај повеќе

Лукашенко: Жив сум и не сум избегал од Белорусија

Читај повеќе

Нови 160 случаи со COVID-19, тројца починати, 368 оздравени пациенти

Читај повеќе

Без негативен ПЦР-тест за влез во Грција само возачи на товарни моторни возила

Читај повеќе

Шилегов: Во Вардариште не се депонира нов отпад

Читај повеќе

Од утре задолжителен ПЦР тест за влез во Србија

Читај повеќе