Во пресрет на прославата на 100-тиот роденден на познатата трка настапи и Bugatti.
Поточно, тој се врати на 24 часа Ле Ман, но за разлика од првата трка пред 100 години, кога беше еден од првите учесници, сега ја доби честа да го означи почетокот на настанот со кој се прославува годишнината од трката.
Bugatti не учествуваше во историската трка, но затоа беше организирана премиерата на моделот Bolide, односно неговото прво појавување во јавноста.
Така Bugatti ја искористи роденденската прослава на една од најпознатите трки за да го промовира својот најекстремен автомобил во својата 114-годишна историја. Станува збор за автомобил што е дозволен само на патеката, и за прв пат се појави на култната патека Circuit de la Sarthe, каде што се одржува трката 24 часа Ле Ман.
Погодувате, зад воланот е Енди Валас, пензиониран тркачки возач и официјален тест-возач на Bugatti со години. Тој е еден од ретките кои победија на 24 часа Ле Ман (1988), но и на 24 часа Дејтона и 12 часа на Себринг.
„ Bolide изгледа и се вози во секој поглед како вистински тркачки автомобил со навистина извонредни способности за високи перформанси“, рече Валас. „Фактот што генерира надолна сила од приближно двојно поголема од својата тежина при максимална брзина, давајќи му на автомобилот многу високо ниво на држење и стабилност при брзи свиоци, сам по себе е неверојатно импресивен“.
За потсетување, Bolide е придвижуван од моќен 8.0 W16 мотор со 1600 КС со четири турбини и има Brembo сопирачки со Формула 1 технологија.
Да кажеме и дека Bugatti го донесе EB110S на патеката Ле Ман, со која се натпреваруваше во 1994 година, а беше придружуван од легендарниот Type 50S, кој во негово време, во 1930-тите, го возеле Луис Широн и Алберт Диво.
