Челси го отпушти Пјер-Емерик Обамејанг (34), едно од најголемите промашувања во последните десет години, а тој ќе се обиде да ја оживее кариерата во францускиот гигант Марсеј.
Обамејанг беше голема ѕвезда на Борусија Дортмунд, а на почетокот на 2018 година се пресели во Арсенал.
Во редовите на „топчиите“ брилираше до крајот на 2021 година, стигна и до статус на капитен, но поради недисциплина го загуби местото во тимот и лентата, а во февруари 2022 година беше исфрлен од Емирати.
Потоа играше половина сезона за Барселона, но со доаѓањето на Роберт Левандовски го загуби местото во тимот и покрај тоа што постигна 11 гола на 17 натпревари, а беше испратен во Челси во замена за Маркос Алонсо.
За Челси минатата сезона одигра само 21 натпревар во сите натпреварувања и постигна само три гола, па „сините“ му рекоа дека може да оди. Иако имаше договор до летото 2024 година, Челси го ослободи, а кариерата ќе ја продолжи во Марсеј.
Тој денеска ќе ги мине лекарските прегледи, а доколку се биде во ред, ќе потпише тригодишен договор со францускиот гигант.
