Сериите како „Making a Murderer“ и „The Jinx“ ја реанимираа љубовта кон крими приказните што ретко кој би оставиле рамнодушен и незаинтригиран, па новата серија на Netflix дојде како порачана за љубителите на овој жанр.
Документарната серија од четири епизоди „Exhibit A“ истражува како невини луѓе се осудени поради погрешни форензички техники и алатки, како ДНК анализи, контактни траги и кучиња-трагачи.
Она што особено ја привлекува публиката се вистинските приказни на луѓето чии животи биле уништени поради сомнителни докази.
Контроверзноста на случаите опфатени во серијата, како и опфаќањето на темата за правосудниот систем во САД, ги привлекува гледачите на Netflix кои ја опишаа серијата како „опсесивна“.
Креаторката на серијата Кели Лоденберг за Paste Magazine изјави дека луѓето мора да станат повеќе свесни дека вакви нешта се случуваат и дека секогаш постои простор за сомнеж.
Уште една особина на серијата е што не се потпира на сензационализам, туку авторите само сакаат да ја истакнат реалната состојба на правосудниот систем и колку тој може да биде штетен, дури и кога нема смртна жртва.