Лос Анџелес, 21 август 2020 (МИА) – Поранешен припадник на американските морнарички „фоки“, поточно човекот кој го уби Осама бин Ладен, доби забрана за летање со комерцијалната авионска компанија „Делта ерлајнс“, поради неносење заштитна маска.
Уште повеќе, Роберт О’Нил (44) се фотографирал и се пофали со тоа на Twitter.
„Не сум п**ка“, напиша О’Нил кусо до фотографијата.
По извесно време, тој во нова објава ги извести своите следачи и за забраната за летови. Подоцна, ветеранот се пошегува дека тој „не е лошото момче“, туку дека го убил лошото момче.