Кримскиот Мост се покажа како многу значаен за возачите кои секојдневно ја користат оваа рута.
Мостот го сруши рекордот на дневен сообраќај – во неделата преку него поминаа 32.000 возила. Откако беше отворен, преку мостот поминаа 1,6 милиони возила.
Овој обем на сообраќај веќе е за 20% поголем од транспортот со траект што беше единствен начин да се поврзе Крим со Русија.
Моментално мостот е отворен само за автомобили, а со товарен сообраќај ќе се почне наесен. Железничката структрура на мостот треба да биде завршена следната година.
Сообраќајот е зголемен и поради туристите кои одат на одмор. Крим очекува дури шест милиони туристи годинава.
Со оглед на тоа дека се зголемува обемот на сообраќај преку мостот, руската влада размислува за градење на автопат и тунел преку Кримскиот Полустров.
За изградба на овој мост се зборуваше уште кон крајот на 19 век, а со градење на мостот почна дури и нацистичка Германија, но проектот беше стопиран.
Советскиот сојуз исто така се обиде да го изгради мостот, но проблем претставуваше ладната зима.
Русија и Украина во поново време се обидоа да договорат заеднички проект, односно мост со модерна технологија, но до договор не дојде.
Работите се променија после руската анексија на Крим, проектот започна во 2015 година, а конкретното градење на мостот започна една година подоцна.