Дедото на севернокорејскиот лидер Ким Џонг Ун се здебелил зошто јадел кучешко месо два пати во денот мислејќи дека тоа ќе му ја оддржи машкоста, наведуваат новите документи на CIA, пренесува весникот Daily Mail.
Ким Ил Сунг бил врховен водач на Северна Кореја и владеел со земјата од 1948 година се до својата смрт во 1994 година, а потоа го наследи Ким Џонг Ил, а него Ким Џонг Ун – денешниот владател на оваа држава.
Нови и неодамна објавени документи на ЦИА од 1951 година откриваат дека Ким Ил Сунг, дедото на сегашниот владател на Северна Кореја, секој ден барал да јаде кушечко месо за појадок и вечера, во склад со популарното верување во таа земја, дека месото од куче ја оддржува машкоста.
Документите истакнуваат дека кучешкото месо кое што го јадел било полнето со пилешко и тоа е причината што со тек на времето многу се здебелил, пишува Daily Mail.
Фајловите наведуваат дека избегнувал риба и зеленчук, и дека многу сакал да готви и често пати одел во кујната да разговара со готвачите за начинот на припрема на оброци.
Во Северна Кореја и понатаму се јаде месо од куче, а сегашниот владател Ким Џонг Ун вели дека е тоа супер храна. Земјата ова месо го промовира како храна за издржливост и тврди дека содржи повеќе витамини од пилешко, говедско и свинско месо.
Најстрашно од се е фактот што владата на Северна Кореја наведува дека за месото да биде повкусно кучињата мора да се претепаат до смрт.
Во соседна Јужна Кореја многу активисти за правата на животните остро протестираат против убивање на кучиња за храна.