Љубовта отсекогаш била инспирација не само за писателите и филозофите, туку и за останатите луѓе. Ако погледнете различни уметнички дела низ вековите ќе забележите дека се менувале стиловите и начините на сликање, но љубовта останала вечна инспирација за сите луѓе.
Кога станува збор за книжевноста, скоро секој писател или поет ѝ посветил мал дел во своите дела. Не станува збор само за романтичната книжевност, туку и за другите жанрови.
Одвоивме некои од најубавите цитати за љубовта напишани или кажани досега:
1 .„Љубовта е активна грижа за животот и развојот на личностите коишто ги сакаме“. – Ерик Фром
2 .„Сите ние сме резултат од љубов и занес“. – Бајрон
3 .„Кога на една љубов ѝ доаѓа крајот, слабите кукаат, енергичните веднаш наоѓаат нова љубов, а паметните веќе одамна ја имале во резерва“. – Оскар Вајлд.
4. „Љубовта и кашлицата не можат да се сокријат“. – Џорџ Херберт
5. „Кукавицата е неспособна да почувствува љубов, тоа е особина на храбрите“. – Махатма Ганди
6. „Љубовта е составена од една душа којашто живее во две тела“. – Аристотел
7 .„Да сакаш некого значи да се согласиш да остариш со него“. – Албер Ками
8. „На цветот му треба сонце за да стане цвет, на човекот му треба љубов за да стане човек“. – Фил Босманс
9. „Кој во љубовта очекува само среќа, тој нема поим за љубовта“. – Перл Бак
10. „Најмногу се лаже во љубов, лов и предизборна кампања“. – Винстон Черчил
11 .„Постојат луѓе кои ќе ви го извадат срцето и постојат луѓе кои ќе ви го вратат на место“. – Елизабет Давид
12 .„Мислам дека главната причина за моите неуспешни бракови е тоа што секогаш предобро сакав, но никогаш мудро“. – Ава Гарднер