„Милан нема да го продолжи четиримесечниот договор со Марио Манџукиќ кој завршува на крајот на мај. ‘Росонерите’ имаат опција да го продолжат договорот до летото 2022 година, но нема да го направат тоа т затоа што техничкиот директор Паоло Малдини и спортскиот директор Фредерик Масара не се задоволни од Хрватот“.
Ова на Twitter го објави искусниот спортски новинар Николо Шира. Нема да биде чудно ако ваквиот исход навистина се случи, бидејќи откако Манџукиќ дојде во Милано на крајот на јануари, тој настапи на само пет натпревари од можните 16. Сепак, тој играше само на еден како првотимец, против Звезда во Лига Европа. „Супер Марио“ имаше уште четири други настапи во Серија А, но беше резерва и „собра“ само 76 минути на шампионатот.
Останатото време не играше бидејќи се опоравуваше од повреди на глуждот и мускулите, а поради последната сè уште не може да настапува. Фановите на Милан со воодушевување го поздравија доаѓањето на нивниот омилен „хрватски воин“ во Италија, без оглед на тоа што тој не играше скоро една година. Тоа секако ги разгоре шпекулациите за за тоа во каква здравствена состојба се наоѓа Манџукиќ непосредно пред 35-тиот роденден.
Манџукиќ помина супер за краткиот договор со Милан - доби 1,8 милиони евра. Клаузулата за продолжување на уште една сезона треба да се активира доколку Милан е задоволен од него и ако ја заврши сезоната на едно од првите четири места, со што ќе ја обезбеди Лигата на шампионите следната сезона. Ако се исполнети двата услови, Манџукиќ би заработил уште 3,6 милиони евра.
Сепак, Милан се чини дека го истроши трпението и нема да го продолжи договорот со Хрватот.