Конзорциум предводен од Италија најверојатно ќе добие зелено светло за изградба на амбициозен проект, мостот Месина долг 3,3 километри што ќе ја поврзе Сицилија со копното, изјави вчера министерот за инфраструктура и вицепремиер Матео Салвини.
Конзорциумот предводен од италијанската компанија Salini-Impregilo, сега позната како Webuild, го доби оригиналниот тендер во 2006 година, но планот беше повлечен поради загриженост за трошоците.
Новата националистичка влада го обнови проектот и иако странските компании изразија силен интерес, Салвини рече дека смета дека италијанската компанија на листата треба да го задржи договорот.
Во изминатите неколку дена „компании од целиот свет, вклучително и Кина“ изразија интерес за проектот за изградба на мостот, рече Салвини за време на прес-конференцијата во Рим со претставници на странските медиуми.
Тој додаде дека целта на Владата е италијанските компании да носат ваков огромен италијански инфраструктурен проект. Салвини потврди дека владата има намера да започне со работа на мостот, долго дискутиран, но нереализиран проект, во летото 2024 година.
