Пред да ја прекинете диетата прашајте се неколку прашања кои ќе ви помогнат да одлучите дали сте ослабеле или само сте изгубиле вода.
Кога последен пат сте се измериле? Да, времетраењето на диетата и тоа како е важно за килограмите кои сте ги намалиле. Ако по само пет дена сте намалиле 3 килограми тоа најверојатно се должи на губењето вода, а не на топење масни наслаги. На секоја диета и е потребно време да делува, затоа не се брзајте и верувајте му на процесот.
Но, ако од недела на недела губите еднаков број на килограми тогаш не станува збор за губење на вода туку вистинско слабеење. Ова значи дека ако губите килограми во континуитет вие вистински слабеете и согорувате масни наслаги.
Пред да застанете на вага, прашајте се што сте јаделе во последните 24 часа. Ако сте јаделе премногу солена храна тоа секако ќе се одрази на бројката која ќе ја видите бидејќи ќе задржите повеќе вода и ќе бидете потешки, но не и визуелно подебели.
Дамите исто така треба да го земат во предвид и месечниот циклус. Деновите од завршувањето на циклусот се до моментот на овулација се најточните денови за мерење на телесната тежина додека предменструалната недела е период кога женското тело најмногу задржува вода.