Намалувањето на ограничувањето на брзината на европските автопати би решило два проблема одеднаш. Но, дали луѓето ќе се согласат со тоа?
Франција бара начин да заштеди енергија, која секој ден поскапува и се повеќе е тема на разговор меѓу светските сили за проблемите со достапноста на суровините потребни за нејзино производство.
Французите, повикувајќи се на податоците на Меѓународната агенција за енергетика, укажуваат дека со намалување на максималната брзина на автопатите ширум светот за 10 км/час би се заштедиле 290.000 барели нафта дневно, доколку лимитот важи само за патнички возила. Ако ги додадеме камионите, би се заштедиле уште 140.000 барели дневно.
Минатата година редакцијата на францускиот Caradisiac направи тест кој покажа дека намалувањето на брзината од 130 на 120 км/час во реални услови го продолжи просечното патување за само 4 минути, а во исто време придонесе за намалување на потрошувачката на гориво на тестираниот Renault Megane за 14 проценти.
Германија би можела да замине уште подалеку на ограничувањата на брзината. Имено, организацијата Deutsche Umwelthilfe предлага максималната брзина на автопатите да се намали на 100 км/час.
Овојпат, сепак, не се работи за заштеда на енергија, туку за намалување на емисијата на CO2. Германија истакнува дека побавното возење би резултирало со годишно намалување на емисиите на CO2 за 9,2 милиони тони.
И тие не сакаат да застанат само со намалување на брзината на автопатите. Оваа промена би била придружена со намалување на максималната брзина на 80 км/час на меѓуградските патишта и намалување на 30 км/час во населените места.
Засега ова се само предлози
Доколку се донесе одлука за намалување на максималната дозволена брзина, тоа би се применувало во Франција на неопределен период, додека во Германија ограничувањето би било пробно, 2 години.
Тоа би било доволно време да се демонстрира вистинските заштеди и да се овозможи проверка дали општеството е способно да се прилагоди на новите препораки.
Но, се поставува прашањето дали Германците, толку горди на својата моторизација и автопати без ограничување на брзината, ќе дозволат да им се наметне вакво ограничување? Времето ќе покаже...
