Славниот актер Џејсон Момоа последниве неколку дена ужива во риболов и тоа во стилот на Тарзан.
Момоа секогаш одушевува со неговото цврсто тело и често е инспирација за различни коментари кај дамите. Неделава ја помина во друштво на пријатели, ловејќи риби. Освен што се истакна како вешт рибар, на неговите обожаватели во очи им падна и друг детаљ.
Објави видео во кое ги презентира неговите вештини за риболов, но внимание привлече и со костимот во стилот на Тарзан.
Покрај фотографиите од ловење риби, објави и неколку во кои држи шише за вода, но не пластично. Раскажа дека му е навистина жал кога ќе види колку многу ѓубре постои во океанот.
Пред неколку месеци, Момоа исече прамени коса во знак на протест против загадувањето на животната средина, а на оваа тема често говори и на социјалните мрежи.