Деми Мур и Брус Вилис станаа баба и дедо. Најстарата ќерка на поранешната двојка, Румер Вилис, го доби своето прво дете со Дерек Ричард Томас на 18 април.
Во објавата на Instagram споделена утрово, Румер објави дека ја родила својата ќерка Луета Исли Томас Вилис дома на 18 април.
Таа го опиша своето новороденче како „чиста магија“ во објавата: „Ти си повеќе од сè што некогаш сме сонувале.“
Румер, актерка позната по серијата What Lies Ahead, и нејзиното момче, музичарот и продуцент Дерек Ричард Томас, се во романтична врска од почетокот на 2022 година.
Во коментар под објавата на нејзината ќерка, Мур напиша: „Чиста љубов за оваа мала птица“. Ема Хеминг Вилис, маќеата на Румер и сегашна сопруга на Брус, исто така им честиташе на родителите.
Ема и Брус се венчаа во 2009 година, а ѕвездата од Die Hard одржува блиско пријателство со својата поранешна сопруга.
Минатиот месец, Деми и Ема го прославија 68-от роденден на Вилис, што е негов прв по откако му беше дијагностицирана деменција. Во февруари, семејството Вилис објави дека дијагнозата на афазија на Брус напредувала во фронтотемпорална деменција. Откако се дозна за болеста на актерот, семејството го поминува секој драгоцен момент заедно.