Девет летови беа принудно слетани во Јужна Америка и Грција поради закани за бомби, додека во Грција беа испратени и воени авиони по добиени закани на лет од Египет.
Девет авиони итно ги променија рутите откако авиокомпании добиле закани за бомби. По истрагата е откриено дека нема експлозиви. Целиот инцидент следувал по добиени закани до различни авиокомпании и цивилните авијациски власти, а полицијата се обидува да го дознае нивното потекло, пишува News.com.au.
„Отсекогаш сме наоѓале по некој напуштен куфер или торба, но ова е сосем различно“, вели Виктор Вилалобос Колао, директор на чилеанската цивилна авијација.
Според министерот за транспорт на Перу, никој не е повреден во инцидентите, ниту е пронајден експлозив.
На островот Крит во Грција германски авион итно слета на аеродром по закана за наводна бомба. Авионот со повеќе од 270 патници на релација Хургада-Диселрдоф слетал на Крит. Сите патници и 11-члениот екипаж безбедно го напуштиле авионот по слетувањето. Авионот бил придружуван од два воени авиони F-16 откако пилотот ја соопштил заканата и слетал без инцидент.
Патниците на авионите, испаничени и исплашени, објавуваа реакции на социјалните мрежи, со надеж дека сè ќе заврши како што треба.
