Македонскиот репрезентативен голман Столе Димириевски е еден од главните адути на Рајо Ваљекано во Ла Лига, а во интервју за TeleMadrid истакна дека би сакал кариерата да ја заврши со настап на Мундијалот во 2030 година во дресот на националниот тим.
Шпанија и Португалија се кандидати за организација на Светското првенство во 2030 година, а Столе Димитриевски вели дека за него би бил перфектен крај доколку игра со Македонија на тој Мундијал, на натпревар во Мадрид.
„Мојот сон е да ја завршам кариерата во македонскиот дрес со настап на Светското првенство во 2030 година, во Шпанија и Португалија. Тогаш ќе имам 36 години“, изјави Димитриевски.
Тој пред една година се поврзуваше со трансфер во Барселона, но можноста пропадна, па сега вели дека не би имал ништо против да остане во Рајо Ваљекано уште долго, можеби и до крајот на кариерата.
Инаку, ФИФА ќе го одреди домаќинот на овој Мундијал во втората половина од 2024 година. Засега има три потврдени кандидатури и тоа сите со неколку земји како коорганизатори. Желбата на Столе веројатно нема да се исполни бидејќи главен фаворит за добивање на организацијата е јужноамериканската четворка Уругвај, Аргентина, Чиле и Парагвај - така ФИФА на вистински начин ќе ја прослави 100-годишнината од првиот Мундијал на кој домаќин беше Уругвај, а во финалето оваа земја играше против Аргентина. На првиот Мундијал во 1930 учествуваа и Чиле и Уругвај. Лео Меси и Луис Суарес веќе некое време како се амбасадори на оваа идеја.
Дригите две кандидатури се на четворката Шпанија, Португалија, Мароко и Украина, како и на триото Египет, Саудиска Арабија и Грција.
