Еден од најголемите товарни бродови на светот се заглави во Суецкиот Канал поради што блокиран е сообраќајот на оваа клучна трговска поморска точка.
Бродот „Ever Given“ широк 59 метри кој плови под панамско знаме се заглави во тесниот канал кој ги спојува Медитеранот со Црвеното Море. Во сопственост е на компанијата Evergreen Marine.
Се работи за 13-тиот на листата на најголеми бродови на светот со должина од 400 метри и тонажа од 219.079 кој патува од кинескиот пристанишен град Шенжен до холандски Ротердам, каде треба да пристигне на 31 март.
Патувањето е прекинато откако бродот синоќа заглави во каналот северно од египетскиот пристанишен град Суец. Каналот е долг 193,3 километри, а бродот е заглавен нешто после почетокот.
Откако кабината не успеа сама да го одглави бродот, на помош пристигнаа египетските власти кои сега со тешка машинерија пробуваат да ја тргнат песокта околу бродот. Колку тешка и да е машинеријата, кога ќе се видат тие багери до огромниот брод наликува на битка на Давид против Голијат.
Колку успешна е операцијата за вадење на бродот говори фактот што до утринава бродот не успеа ни сантиметар да се помрдне.
Суецкиот Канал е еден од најфреквентните поморски точки на планетава. Отворен бил во 1869 година и оттогаш повеќе пати бил прошируван и модернизиран. Во 2019 година 18.880 бродови поминале со вкупен товар од 1 милијарда тони. Во просек на еден товарен брод му се потребни помеѓу 12 и 16 часа за да помине низ каналот.
На двапати поради војна каналот бил затворан што предизвикало огромни штети по глобалната поморска мрежа и економски последици врз најголемите држави. Тоа се случило во 1956-57 и во 1967-75 кога се водела војна помеѓу Египет и Израел.