Минатата година ќе остане забележана како најбезбедна година за патниците на авионите во историјата, објави мрежа за безбедност на авио-сообраќајот.
Оваа мрежа, со седиште во Холандија, до неделата забележала девет кобни сообраќајни несреќи, во кои починале 72 луѓе – 37 патници и 35 луѓе на земја, додека во 2016 година биле забележани 16 несреќи со 103 смртни случаи.
Покрај тоа, последниот ден од 2017 година, поставен е рекорд од 398 дена без несреќа на патнички авион и 792 дена без несреќа во која се загубени повеќе од 100 животи.
„Од 1997 година, просечниот број на авионски несреќи бележи стабилен и доследен пад, а тоа во голем дел се должи на безбедносната работа на меѓународните воздушшни агенции како ICAO, IATA, Фондациите за безбедност при лет и воздушната индустрија“, истакна претседателот на споменатата организација Харо Рантер.
Несреќи во 2017 година им се случиле на пет товарни и четири патнички авиони.
„Ако го земеме во предвид светскиот воздушен сообраќај од околу 36.8 милиони летови, размерот изнесува еден смртен случај во однос на 9.2 милиони летови“, заклучи Рантер.
