Џокер е главниот елемент на изненадување во првиот трејлер за „Justice League“

Режисерот Зак Снајдер доби можност да ја сними својата верзија на „Justice League“ во 2018 година, но се повлече поради несогласување со продуцентската куќа Warner Bros..

Иако неговиот филм е всушност продолжена верзија на оригиналот, носи еден голем елемент на изненадување – ликот на Џокер, што ќе го игра Џаред Лето.

Снајдер веќе го најави ликот преку ексклузивни фотографии објавени во Vanity Fair што покажаа дека оваа верзија на Џокер се разликува многу од онаа што Лето ја играше претходно во „Suicide Squad“.

Трејлерот не дава премногу информации за да се заклучи што е всушност различно во оваа верзија, но самиот изглед на Џокер беше доволно интригантен за фановите. Филмот ќе биде достапен на HBO на 18 март.

Во филмот, познат и како „Snyder Cut“, покрај Лето, играат и Хенри Кавил, Бен Афлек, Гал Гадот, Џејсон Момоа, Реј Фишер и Езра Милер, а споредните улоги им припаднаа на Ејми Адамс, Вилем Дафо, Џеси Ајзенберг, Џереми Ајронс, Даен Лејн, Кони Нилсен и Џ.К. Симонс.