Вашингтон, 4 ноември 2019 (МИА) – Најстариот син на американскиот претседател, Доналд Трамп Јуниор утре ќе ја објави својата автобиографија под наслов „Triggered: How the Left Thrives on Hate and Wants to Silence Us”, па претходно во најава спомна и неколку пикантерии од книгата.
– На крајот испадна дека не сум руски агент, се вели во еден од цитатите на Трамп Јуниор (41), говорејќи за обвинувањата за негова наводна поврзаност со руските разузнавачки служби околу американските претседателски избори во 2016 година, кога победи неговиот татко.
Во книгата, помладиот Трамп говори и за дружењето со контроверзниот пејач Мајкл Џексон, односно, раскажува како играл Нинтендо со него, со што се докажува дека тој не е расист, пренесува Daily Mail.
Натаму, тој вели дека татко му повеќе ја заслужува Нобеловата награда за мир од неговиот претходник Барак Обама, лауреат од 2009 година.
