Поранешниот премиер на Обединетото Кралство, Борис Џонсон, изјави дека рускиот претседател Русија, Владимир Путин му се заканувал со ракетен напад во текот на вонреден телефонски разговор пред рускиот напад врз Украина во февруари минатата година.
Џонсон, во документарец на BBC за разговорите на Путин со светските лидери, рече дека Путин му рекол дека таков ракетен напад ќе трае само една минута: „Не сакам да те повредам, но со ракета ќе треба само една минута“.
Тој додаде дека не е сигурен дали заканата е „сериозна“.
Како што се наведува, Путин ова му го кажал на Џонсон откако поранешниот британски премиер го предупредил за време на многу долг разговор во февруари 2022 година дека војната ќе биде „тотална катастрофа“.
Џонсон истакна дека му рекол на Путин дека инвазијата на Украина ќе доведе до санкции против Москва и повеќе војници на НАТО на руските граници.
Тој исто така рече дека се обидел да ја одврати руската воена акција со тоа што му кажал на Путин дека Украина нема да се приклучи во НАТО „во блиска иднина“.