Фудбалерите на Палмејрас станаа клупски шампиони на Јужна Америка, откако синоќа во драматична завршница триумфираа во финалето на Копа Либертадорес одиграно на „Маракана“ над екипата на Сантус со 1:0.
Единствениот погодок на натпреварот го постигна Брену Лопес во 9-тата минута од судиското продолжение.
Рони испрати одличен центаршут што Брену со глава рутински од непосредна близина го смести во мрежата за големо славје на Палмејрас.
Ова е втора титула континентален првак за Палмејрас, по премиерната во 1999 година, додека Сантус остана на три трофеи во Копа Либертадорес.
Погледнете ги најинтересните моменти од мечот: