Командант на маринците во последното украинско упориште во опколениот град Мариупол утринава објави видео во кое вели дека на неговите луѓе им остануваат можеби само неколку часови.
Мајорот Серхиј Волуна замоли за меѓународна помош за 500 ранети војници и стотици жени и деца за кои кажа дека се кријат со нив во челичарницата во градот.
„Ова е наше последно обраќање на светот. Можеби ќе ни биде последно засекогаш. Можно е дека ни се останати само денови или часови. Ги повикуваме светските лидери да ни помогнат, да се организираат и да не однесат во трета земја”, вели мајорот.
Железарата и челичарницата Азовстал е масивна фабрика од четири квадратни милји која остана последното упориште на украинскиот отпор во Мариупол, кој беше стратешка цел на Русија откако нејзините сили ја нападнаа Украина во февруари.