„Родонг Синмун“, медиум на владејачката партија во Северна Кореја, смета дека претседателот на САД Доналд Трамп заслужува смртна казна поради навредите кои ги упатил кон Ким Џонг Ун.
Овој државен медиум го нарече Трамп „кукавица“ поради откажување на посетата на границите меѓу Северна и Јужна Кореја.
Имено, овој државен медиум се фокусираше на минатонеделната посета на Трамп на Јужна Кореја, каде, за време на говорот во тамошниот парламент, власта во Пјонгјанг ја нарече „сурова диктатура“.
Оценето е дека Трамп го навредил и Ким Џонг Ун нарекувајќи го „мал и дебел“ и дека за тоа заслужува смртна казна.
„Најлошо злосторство за кое нема простување е тоа што се осудил на ужасен начин да го повреди достоинството на врховното лидерство. Треба да знае дека тој е обичен грозен криминалец кој народот на Северна Кореја го осудува на смртна казна“, пишува во овој медиум.
Трамп води вербална војна со режимот во Пјонгјанг уште од доаѓањето на власт, а острата реторика од двете страни дополнително ги влошува односите со Корејскиот полуостров и константно ја зголемува опасноста од нукеален конфликт.
