Силна детонација одекнала по полноќ во Северна Митровица, пренесуваат српските медиуми.
Активирана била рачна бомба, при што е причинета мала материјална штета на куќа, потврдија за KoSSev од косовската полиција.
Граѓаните на северниот дел на Косовска Митровица, оние кои останаа будни час по полноќ, можеа да слушнат уште една силна детонација.
Од косовската полиција за KoSSev потврдија дека на улицата „Цара Душана“ експлодирала рачна бомба.
Причинета е мала материјална штета на прозорецот од куќата, нема повредени, за KoSSev изјави Ветон Ељшани, заменик командант на КП за северниот регион.
На местото на настанот излегле полициски единици, отворен е случај поради повикување на општа опасност.