Рускиот премиер Дмитриј Медведев одобри нацрт спогодби со Египет со кои Русија добива дозвола нејзините авиони да ги користат египетските бази.
Со овој договор Москва добива шанса да ја зацврсти својата позиција во северна Африка и Блискиот Исток.
Директивата со потпис на Медведев беше објавена денеска и ја дава поддршката за нацртот што го подготви Министерството за одбрана и упатува спогодбата да биде потпишана штом биде подготвена.
Според нацртот, руските и египетските борбени авиони може да ги користат воените аеродроми на другата страна. Спогодбата би важела пет години, со можност за продолжување.
Владата на египетскиот претседател Абдел Фатах ел-Сиси ги прошири воените врски со Египет и потпиша договор за купување руски борбени авиони, хеликоптери и друго оружје.