Претседателот на Турција Реџеп Тајип Ердоган во својата палата ги собра козметичарите од земјата и ја потпиша досега невидената итна уредба за отстранување влакна во козметички салони. Собирот наречен „За убава Турција“ беше емитуван на државната телевизија.
По едночасовниот разговор за референдумот за уставни промени, Ердоган на присутните им ја покажа итната уредба што ја потпиша додека група козметичари стоеја околу него.
Исто така прочита делови од законот, внимателно одбегнувајќи ги фразите како „отстранување влакна“, но топло им честиташе на жените за нивната преданост.
Уредбата беше објавена на 30 март во Службен весник и веднаш стапи на сила.
Неговата Партија за правда и развој од 2006 година дава различни верзии на законот и ги ограничува можностите на козметичарите.
Дерматолозите расправаат за тоа дали одредени инструменти за отстранување влакна со ласер се штетни и дали треба да биде достапно нивното користење во козметички салони.
Некои сметаат дека има илјадници случаи во кои луѓе се здобиле со изгореници и трајни деформитети и инфекции поради неправилна примена на оваа технологија.
Министерството за здравство одлучи да им даде одобрение за вршење на ласерски депилации само на болниците и на одредени клиники.
Со оглед на тоа дека во Турција уште е на сила вонредната состојба, донесувањето на ваков итен закон, па уште и со директен пренос на државната телевизија, наиде на остри критики и коментари на социјалните мрежи, а повеќето граѓани на Турција беа шокирани.
