Ерменија и Азербејџан се обвинуваат едни со други за тридневниот конфликт што го водат, отфрлајќи ја иницијативата за директни разговори иако целата ситуација околу Нагорно-Карабах се заканува да премине во војна.
Аналитичарите наведуваат дека инцидентот укажува на можност за понатамошна ескалација на конфликтот и покрај апелите на Русија, САД и другите земји за запирање на конфликтот.
Ерменскиот премиер Никол Пашинјан наведе дека не може да има разговори додека траат конфликтите. Претседателот на Азербејџан, Илхам Алијев во разговор за државна руска телевизија ја одби секоја можност за разговори, пренесе Reuters.
Жестоките пресметки долж границата на областа Нагорно-Карабах почнаа на 27 септември и досега загинаа над 100 луѓе.
Рускиот претседател Владимир Путин побара запирање на огнот, итно нагласувајќи дека и двете страни треба да преземат мерки за смирување на кризата.
Тензиите дополнително пораснаа откако Ерменија објави дека Турција срушила нејзин воен авион, но Турција и Азербејџан го демантираат тоа.