Телата на 3.439 ерменски жртви беа пронајдени за време на борбите во Нагорно-Карабах, но овие бројки се прелиминарни. Ова го изјави за време на парламентарната контрола ерменскиот вицепремиер Тигран Авинјан.
– Во моментов имаме 3.439 мртви тела, од кои 766 сѐ уште не се идентификувани. Има и такви кои се сметаат за исчезнати. Не сакам да ги објавам конечните бројки. Но, бројот на загинати нема да надмине 4.000 луѓе, рече вицепремиерот.