Денеска имаше нова ерупција на вулканот Етна на Сицилија.
Чадот и пепелта се искачија на еден километар во воздухот, а блискиот аеродром за кратко беше затворен поради ерупцијата.
Етна е еден од најактивните вулкани во светот. Еруптираше и пред еден месец. Засега нема пријавени повредени луѓе или оштетување на куќи или згради.
Пепелта ги покри околните градови, а под падината на вулканот сè уште течат реки од врела лава.
Вулканскиот материјал и камењата со големина до 10 сантиметри предизвикаа бројни штети на возилата.
Локалните власти бараат да се прогласи елементарна непогода во планинските општини.
Posted by Rete Meteo Amatori on Tuesday, February 16, 2021