Додека незадоволството на корисниците расте, вредноста на Facebook паѓа - компанијата изгуби 14% oд нејзината вредност на берзата.
Акциите на Facebook на Волстрит имаа најлоша недела во последните две години и забележаа пад од 14%, губејќи 68 милијарди долари од пазарната вредност на компанијата, како последица на незадоволството поради злоупотребата на корисниците на оваа друштвена мрежа.
Не е познато колку корисници изгуби Facebook, но со обзир на тоа дека #DeleteFacebook и понатаму е тренд на сите друштвени мрежи, бројката веројатно не е занемарлива.
Facebook не може да направи речиси ништо, освен да се рекламира, па во највлијателните американски и европски весници и магазини закупува највидливи реклами кои се вртоглаво скапи. Преку нив се извинува за сè што се случи.
Дополнителни главоболки им создава уште една нова афера со шпионирање на сите Android телефони.
