Водечкиот американски имунолог д-р Ентони Фаучи предупреди на брзото ширење на варијантата омикрон, наведувајќи дека секој ќе биде изложен на сојот, но дека вакцинираните луѓе подобро ќе поминат.
„Омикрон има извонредна способност за пренос и на крајот ќе ги стигне сите. Ќе бидат изложени оние кои биле вакцинирани и кои примиле бустер доза. Некои од нив, можеби и многу од нив, ќе бидат заразени, но голема е веројатноста, со некои исклучоци, да поминат подобро, односно да не бидат хоспитализирани и да имаат фатален исход“, рече Фаучи.
Фаучи беше прашан и дали влеговме во нова фаза на пандемијата. Тој наведува дека тоа ќе се случи кога ќе има доволно ниво на заштита во заедницата и кога ќе имаме лекови кои лесно можат да ги третираат тешките форми на Ковид.
„Можеби сега сме на работ на тоа“, рече Фаучи.
Џенет Вудкок од Управата за храна и лекови на САД во вторникот таа рече дека иако повеќето луѓе најверојатно ќе се заразат, фокусот треба да биде на нормалното функционирање на здравствениот систем.
„Повеќето луѓе веројатно ќе добијат ковид. Треба да се погрижиме болниците да функционираат нормално, како и транспортот и другите клучни услуги“, рече Вудкок, пренесува CNN.
