Неколку луѓе ги загубија животите кога мал авион удри во мобилна куќа во четвртокот вечерта во областа Бејсајд Естејтс, Флорида, голем парк за мобилни домови, околу 7:08 часот по локално време.
Надлежните потврдија дека несреќата ја снимиле сведоци, кои ги забележале и пламените јазици што избувнале по ударот. Освен загуба на човечки животи, пожарот што избувна оштети и неколку куќи во околината.
Шефот на противпожарната служба Скот Елерс изјави: „Можам да потврдам дека неколку луѓе загинаа од авионот, а неколку луѓе загинаа во мобилниот дом. Работиме да се осигураме дека нема дополнителни штети или повредени и имаме ограничени информации во овој момент“.
Сè уште не е познат точниот број на загинати бидејќи истражителите сè уште го утврдуваат бројот на патници во авионот. Надлежните спроведуваат истрага за утврдување на околностите на несреќата и можните причини за овој трагичен настан.
