Мајкл Даглас и неговата сопруга Кетрин Зита-Џонс се појавија на премиерата на филмот „Ant-Man and the Wasp: Quantumania“ во Лондон, а многумина ги насмеа моментот што го уловија фотографите.
Кетрин Зита Џонс го привлече вниманието со своето појавување на премиерата на филмот „Ant-Man And The Wasp: Quantumania“, а ниту нејзиниот сопруг Мајкл Даглас не можеше да го тргне погледот од актерката.
Имено, додека се шетале по црвениот тепих, парот се држел за раце. Фотографите го фатија моментот во кој Даглас го гледа деколтето на неговата сопруга, а фотографијата набрзо се прошири на социјалните мрежи.
Многумина коментираа дека Мајкл и Кетрин изгледаат вљубени како и првиот ден и дека Даглас не може да го тргне погледот од својата убава сопруга.
Кетрин Зита-Џонс се појави во прилично импресивно модно издание, актерката за оваа пригода избра впечатлив пастелно син фустан. Двојката се појави во добро расположение додека се фотографираа пред проекцијата.
За потсетување, парот се венчаше во ноември 2000 година во хотелот Плаза во Њујорк. Актерката три месеци претходно го роди нивното прво дете, момчето по име Дилан. Во 2003 година ја добија ќерката Карис. Актерот од претходниот брак го има синот Камерон.