Франција ги замрзна цените на гасот за домаќинства до крајот на следната година, изјави премиерот Жан Кастекс, појаснувајќи дека одлуката е донесена по наглото зголемување на цените на енергенсите.
Претходно, француската влада планираше мораториумот да трае до април.
Дополнително, домаќинствата со ниски примања во Франција ќе добијат „премија за инфлација“ од 100 евра. „Веруваме дека ова зголемување на цената ќе биде привремено, но не можеме да дозволиме да го попречи (економското) закрепнување“ по пандемијата на коронавирусот, резимира Кастекс во интервју за TF1. Тој истакна дека експертите ја предупредиле француската влада дека „цените ќе се намалат побавно отколку што се очекуваше“.
