Турција и Унгарија треба да го ратификуваат членството на Шведска во НАТО пред да се состане на самитот на Алијансата во јули, изјави во петокот францускиот министер за надворешни работи, додавајќи дека секое дополнително одложување е неразбирливо и ја загрозува безбедноста на 31 членка.
„Тоа е во интерес на сите, вклучително и Турција, и ние сметаме на нив брзо да го ратификуваат членството на Шведска сега кога изборите завршија“, рече Кетрин Колона на прес-конференцијата со нејзиниот шведски колега Тобијас Билстром. „Сакаме (Шведска) да биде полноправна членка во Вилнус“, додаде таа.
Анкара е загрижена поради недостигот на соработка во борбата против тероризмот
Билстром рече дека Стокхолм ги исполнил условите од договорот со Анкара, посочувајќи на нов антитерористички закон и дека сега е „во рацете на Турција да одлучи“. Шведска, заедно со Финска, аплицираа за членство во НАТО во мај 2022 година, по руската инвазија на Украина, но нивните барања првично беа спротивставени од Анкара.
Турција продолжува да ја блокира кандидатурата на Шведска за членство поради низа спорни прашања, вклучително и загриженоста на Анкара поради, како што вели, недостигот на соработка во борбата против тероризмот. Членките на НАТО мора едногласно да се согласат да примат нови земји. Во меѓувреме Финска доби зелено светло од Турција и влезе во алијансата. Членството на Шведска не го ратификуваше ниту Унгарија.